Skuldsettur fyri valsvik í Oyndarfirði

Føroya Politi boðar frá,  at ein persónur nú er skuldsettur fyri valsvik á valstaðnum í Oyndarfirði í samband við kommunuvalið í fjør.

Persónurin er skuldsettur fyri brot á grein 116, stk. 1 í revsilógini.

Tann greinin sigur, at 

"Tann, sum forðar ella roynir at forða fyri, at val verður hildið til Løgtingið, Fólkatingið, kommunustýri ella til kommunal ella onnur almenn ráð ella myndugleikar, ella sum reingir valúrslit, ella sum ger tað ómøguligt at gera úrslitið upp, verður revsaður við fongsli í upp til 6 ár."

Av tí at talan er um eitt revsimál, sum enn verður viðgjørt av politinum og ákæruvaldinum, eru í í løtuni ikki fleiri viðmerkingar til málið, sigur Føroya Politi í tíðindaskrivinum.

Michael Boolsen, fúti, sigur tó, at sjálvt um ein persónur nú er skuldsettur, so merkir tað tó ikki, at viðkomandi skal í rættin. Tann avgerðin er ikki tikin enn og hon verður ikki tikin fyrr enn politiið og ákæruvaldið eru liðug at viðgera málið, sigur fútin, sum í løtuni ikki veit at siga nær tann viðgerin endar. 

Trýst á leinki og hoyr innslagið, sum var í tíðindunum klokkan 18.00: