- Tíðindi, mentan og ítróttur
Íslendingar vilja hava fólkaatkvøðu um ES
![](https://kvf.fo/sites/default/files/styles/grein-ovasta-mynd/public/083ba1aa361bf5dca78e1960f3054dde.png?itok=uz_aFITt)
80 prosent av íslendingum vilja hava fólkaatkvøðu um ES-limaskap, og 42 prosent av eru fyri, at Ísland gerst limur í Evropasamveldinum. Tað vísir nýggj kanning, sum Capacent Gallup hevur gjørt, og sum er almannakunngjørd í íslendska Fréttablaðnum.
Úrslitið vísir, at 10 prosent fleiri eru fyri ES limaskapi, síðani seinasta meiningakanning varð gjørd fyri seks mánaðum síðani. Í mai mánaði vísti kanning, at 68 prosent av íslendingum vóru ímóti ES-limaskapi. Tey eru nú vorðin færri - 58 prosent eru ímóti.
80 prosent av teimum spurdu vilja hava fólkaatkvøðu um, hvørt Ísland skal fara undir endaligu samráðingarnar við ES um limaskap. Eitt av fystu málunum hjá nýggju íslendsku stjórnini, sum tók við í mai, var at steðga samráðingunum við ES um limaskap.