- Tíðindi, mentan og ítróttur
Byggja meira út á Hulki
Byggja meira út á Hulki
Bygdarráðið í Sjóvar kommunu fer seinni í vikuni at taka støðu til at brúka 5,5 milliónir kr. til at útbyggja havnarlagið
Oljufelagið Krafta hevur tveir oljutangar á Hulki.
22.09.2025 - 15:45
Sjóvar kommuna ætlar at byggja norðaru kai og sunnaru kai saman, so at møguleiki verður at hava enn meira virksemi.
Virksemið á Hulki er nógv vaksið í seinastuni, sigur Hans Anders Jacobsen, borgarstjóri í Sjóvar kommunu.
Fyri stuttari tíð síðani byrjaði oljufelagið Krafta sítt virksemi á Hulki. Felagið hevur tveir stórar goymslutangar har.
Hans Anders Jacobsen er borgarstjóri í Sjóvar kommunu.
Norðara bryggjan varð útbygd fyri nøkrum árum síðani, og hon er nú djúphavn. Tað eru umleið 80 metrar millum bryggjurnar, og ætlanin er at byrja arbeiðið í ár at binda tær saman.
Bygdarráðið í Sjóvar kommunu fer seinni í vikuni at taka støðu til at brúka 5,5 milliónir kr. til at fara undir arbeiðið.
Hoyr innslag í útvarpstíðindunum:
22092025_Hulkur
Er kopiera
Nýggjastu sendingar í ÚV
Nýggjastu sendingar í SV
