Skriva nú álit til fíggjarlógina

Skriva nú álit til fíggjarlógina
Fíggjarnevndin fær nýggjastu inntøkumetingarnar í næstu viku
 
28.11.2013 - 11:44

Í næstu viku fer fíggjarnevndin at skriva álitið til fíggjarlógina fyri 2014. Bárður Nielsen, formaður í fíggjarnevndini, roknar við, at álitið er klárt at leggja fyri løgtingið um hálvan desember.

Arbeiðið í fíggjarnevndini er komið so mikið áleiðis, at nevndin er til reiðar at fara undir at orða álitið.

- Fyribils arbeiða vit saman, men um tað verður ein samd nevnd, sum leggur álitið fram, ber ikki til at siga enn, sigur Bárður Nielsen.

Broytingaruppskot frá Fíggjarmálaráðnum

Í løtuni bíðar nevndin eftir, at Fíggjarmálaráðið skal koma við broytingaruppskotum, sum skulu dagføra fíggjarlógaruppskotið, Tað er bygt á nýggjastu metingarnar.

Bárður Nielsen væntar at fáa hetta uppskotið í dag, so tað kann takast við á fundinum í fíggjarnevndini í morgin.

Í næstu viku verða tær nýggjastu inntøkumetingarnar fyri landskassan latnar nevndini, og so er klárt at fara undir at skriva álitið frá fíggjarnevndini, sigur Bárður Nielsen, fíggjarnevndarformaður.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435