SSL: Rampan á Syðradali má lagast til Teistan

Ta síðstu lítlu vikuna hevur Strandferðaslan gjørt eina roynd, har Teistin siglir á Kalsoyarleiðini. Og tað hevur verið avbjóðandi. 

Fólk á staðnum hava funnist at, at Teistin hevur havt trupulleikar at leggja at. Ein teirra er Bjørn Kalsoy, bóndi á Syðradali, ið ikki heldur, at rapan á Syðradali, í verandi líki, hóskar til Teistan. 

- Rampan til strandfaraskipið Teistan á Syðradali skal tillagast, sigur Niels Juel Arge, stjóri í Strandferðsluni. 

Landsverk, veitarin av rampuni, og manningin á Sam, vóru í Syðradali í gjár og kannaðu málið. Og arbeiðið er farið í gongd, leggur Niels Juel Arge afturat. 

LES EISINI: Ferjulegan á Syðradali krevur ábøtur til størri skip

Ikki bara rampan

Men tað var ikki bert rampan, sum spurnartekin verður sett við. 

Atløgusíðan skal nokk útbyggjast, heldur Bjørn Kalsoy, og Niels Juel Arge, stjóri í SSL, ásannar at atløgubryggjan er í teprara lagið til Teistan, sum stingur tveir metrar. 

Meir skuldi helst ikki verið neyðugt, tí ætlanir eru ikki um at byggja longri skip enn Teistan at røkja Kalsoyarleiðina. 

"Tað skipið, vit hava teknað til Kalsoyarleiðina, er styttri enn Teistin," staðfestir Niels Juel Arge, stjóri. 

Upprunaliga varð sagt, at Teisin skuldi royndarsigla til Syðradals í tvær vikur, men tað kann leingjast, um tað er neyðugt. 

Hoyr innslagið frá útvarpstíðindunum her: