VIT og vitlíki - kunnu vit vera vinir?

Hvat er vitlíki? Hevur vitlíki kenslur? Hví veit vitlíki so nógv um okkum? Í næstu viku seta vit fleiri spurningar um vitlíki. Vit brúka vitlíki í okkara gerandisdegi, og vit spyrja vitlíki um støddfrøði, tónleik, kenslur, hvussu kamarið skal síggja út og mangt mangt annað.

Í barnaútvarpinum í næstu viku varpa VIT ljós á vitlíki. VIT tosa við ymiskar serfrøðingar og børn, sjálvandi, sum eisini eru serfrøðingar. Í tveimum sendingum greiðir Tóri Slættalíð frá. Jóhanna Davidsen er sálarfrøðingur og VIT spyrja, hvussu tað er at tosa við vitlíki, sum ikki hevur kenslur. Hvussu læra vit saman við vitlíki - Oddfríður Marni Rasmussen er lærari, og hann fer at greiða frá, hvussu vitlíki verður brúkt í skúlanum. Lena Anderssen er tónleikari - vit hoyra hennara hugsan um vitlíki, tá ið tað kemur til list og tónleik.

Tónleikin, vit hoyra í barnaútvarpinum í næstu viku, er gjørdur saman við vitlíki. Og myndirnar, sum eru til sendingarnar, eru eisini gjørdar saman við vitlíki.

Vitlíki - 1. partur er kann hoyrast her.