Trý ár síðani Faroe Seafood fór av knóranum

Trý ár síðani Faroe Seafood fór av knóranum
Eyðfinnur Jacobsen, bústjóri, sigur, at trotabúgvið hevur pengar til øll góðkend lønarkrøv móti búnum og nakað afturat
Í dag eru trý ár liðin, síðani fiskivinnusamtakið Faroe Seafood fór av knóranum
 
03.12.2013 - 11:46

 

Skal Landsrætturin ikki viðgera lønarkrøv móti trotabúnum, fer helst at bera til at enda trotabúgvið Faroe Seafood fyri 1. juli næsta ár.

Í dag eru trý ár, síðani fiskivinnusamtakið Faroe Seafood fór av knóranum.

Annar bústjórin, Eyðfinnur Jacobsen, sigur, at trotabúgvið hevur pengar til øll góðkend lønarkrøv móti búnum og nakað afturat.

 

Handverkari fekk viðhald

Í farnu viku fekk ein handverkari, sum arbeiddi hjá Faroe Seafood, partvíst viðhald í Føroya rætti í kravi sínum um uppsagnarløn frá trotabúnum.

Um trotabúgvið ikki fer í Landsrættin við dóminum hjá Føroya rætti, fer væntandi at bera til at enda trotabúgvið í fyrra hálvári næsta ár, sigur Eyðfinnur Jacobsen.

 

Skjóta dómin inn fyri Landsrættin

Sakførarin hjá handverkaranum sigur, at teir fara ikki at skjóta dómin inn fyri Landsrættin. Trotabúgvið hevur ikki tikið støðu enn.

Næsti skiftafundur um Faroe Seafood verður í Skiftirættinum týsdagin í næstu viku.

Samstundis sum Faroe Seafood fór, fór eisini Faroe Fish II, sum átti skipini, sum fiskaðu til Faroe Seafood. Tað trotabúgvið er langt síðani endað.

 

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470