Teitur fingið fína heiðursløn í Danmark

Wilhelm Hansen Fonden í Danmark hevur í dag kunngjørt tey, ið fáa heiðursløn úr grunninum í ár. 

Millum tey heiðraðu er føroyski sangarin og sangskrivarin Teitur Lassen. 

Heiðurin fær hann saman við fýra øðrum mentafólkum úr Danmark.

200.000 krónur

Saman við heiðurslønin, ið verður handaður í Dansehallerne í Keypmannahavn 18. november, fylgja 200.000 krónur.

Wilhelm Hansen grunnurin varð settur á stovn í 1995 við tí endamáli at stuðla tónleiki, sjónleiki og dansi. 

Tað verður bæði gjørt við framleiðslu- og útbúgvingarstuðli, umframt heiðursprísum, ið sambært grunningum sjálvum verða latnar "personligheder, der har værety berigende for vores kulturkreds."

Ein slík persónligheit er Teitur, sigur grunnurin, sum í ár letur ein slíkan heiðursprís og 200.000 krónur til føroyska tónlistamannin.

Umframt Teitur Lassen, so eru hini fýra, sum í ár hava fingið heiðursløn úr Wilhelm Hansen Fonden: 

• Jørgen Carslund, leikstjóri og leikhúsleiðari 
• Sophia Mage, danskari og koregraf
• Ina-Miriam Rosenbaum, sjónleikari og leikstjóri
• Tine Rehling, hørpuspælari