Rósa á ting fyri Steffan

Rósa Tyril Gaardlykke hevur tikið sæti á tingi fyri Steffan Klein Poulsen í Miðflokkinum, sum er farin í farloyvi, nú hann umboðar løgtingið á ST-aðalfundi í New York.

Næstimaður á listanum hjá Miðflokkinum var annars Bill Justinussen, men hann hevur boðað frá, at hann tekur ikki sæti sum varamaður, tí hann hevur tikið seg úr Miðflokkinum.

Á løgtingsvalinum 8. desember í 2022 fekk Bill Justinussen 382 atkvøður og Rósa Tyril Gaardlykke 93 atkvøður.