Eg mátti hava mítt egna

Eg mátti hava mítt egna
Sum 16 ára gomul fekk Mariann Klein Ivansdóttir lærupláss í bestu salongini. Stutt eftir lokna útbúgving stovnaði hon sína egnu fyritøku.
 
07.11.2025 - 11:30

- Eg havi altíð vitað, at eg vildi vera frisør.
So avgjørd er Mariann Klein Ivansdóttir, sum í farnu viku kundi hátíðarhalda, at hon hevur verið sjálvstøðug vinnurekandi í 20 ár.

Hon greiðir frá, hvussu hon klipti vinkonunum í fólkaskúlanum, og fekk boðið eitt lærupláss í væl umtóktu salongini hjá Tótu í Havn, tá hon bara var 16 ára gomul.

Drívmegin hjá Mariann er at síggja gleðina hjá viðskiftafólkunum, tá tey væl nøgd reisa seg úr stólinum hjá Mariann, men tað hevur ongantíð verið nóg mikið bara at gera hár. Tí síðan hon var blaðung hevur hon ynskt sær meira. At skapa nýtt og at finna uppá slíkt, sum ikki er gjørt áður og at sleppa út í heimin at arbeiða.

Tá samanum kom hevði Mariann einu tíðina salong við nógvum starvsfólkum, heilsølu í Føroyum og í Danmark, hon undirvísti frisørum í Føroyum, gjørdi hár til mótashows kring alt Evropa og annað við, men tað gjørdist ov nógv, og frá at navn hennara var nevnt allastaðni, gjørdist kvirt rundan um hana, tí kroppur og sinn søgdu 'stop'.

Í dag hevur hon framvegis sína egnu fyritøku, og eldhugin fyri fakinum er hin sami, men ferðin er ein onnur og ynskini eru broytt, millum annað tí hon gjørdist mamma.

- Í dag havi eg salong heima við hús, og eg havi so nógv at gera, at eg tíverri má siga nei við fólk sum biðja um tíð, sjálvt um eg ikki orki fyri tí, tí eg eri so takksom fyri at tey hugsa um meg, tá tey vilja hava gjørt hárið, men tað má eg.

Hoyr samrøðu við Mariann her

1774886

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Mannakor og korona 1:4
216604
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470