Veljarakanning: Fólkaflokkurin fær triðingin av atkvøðunum

Var val nú, hevði Fólkaflokkurin fingið nærum triðingin av øllum atkvøðunum, 32,9 prosent, og 11 tingsessir, fimm fleiri enn hann hevur í løtuni.

Tað vísir veljarakanning, sum Spyr.fo hevur gjørt fyri Portalin. 

Framgongdin er 14 prosentstig samanborið við løgtingsvalið í desember 2022.

Sambandsflokkurin hevði fingið 19,2 prosent av atkvøðunum, ella 0,8 prosentstig minni enn á seinasta løgtingsvali, og flokkurin hevði mist ein tingsess. 

Tjóðveldi hevði fingið 18,4 prosent av atkvøðunum, 0,7 prosent fleiri enn á valinum. Kanningin vísir, at Tjóðveldi hevði varðveitt sínar seks tingsessir, um val var nú.

prosentbyti.jpg

tingsessir.jpg

Javnaðarflokkurin stóra afturgongd

Undirtøkan hja Javnaðarflokkinum er framvegis nógv minni enn á løgtingsvalinum. Hann fær 15 prosent av atkvøðunum, 11,5 prosentstig minni enn á valinum, og tingmanningin tódnar úr níggju niður í fimm. 

Hjá teimum smáu flokkunum er støðan óbroytt. Framsókn hevði varðveitt sínar tríggjar tingsessir og Miðflokkurin sínar tveir sessir. 

Heldur ikki í hesi kanningini røkkur Sjálvstýri upp um tinggáttina. 

Kanningin var gjørd mánakvøldið, dagin fyri at løgmaður kunngjørdi broytingar í landsstýrinum, og at aðalráðini lækka niður í seks.

11,2 prosent av teimum spurdu svara, at tey hava ikki tikið støðu, 1,6 prosent høvdu ikki farið á val, og 3,6 prosent siga, at tey høvdu atkvøtt blankt. 

Óvissan í kanningin er 3,5 prosent.

Les meira her.