Umval í Runavíkar kommunu 13. januar

Umval í Runavíkar kommunu 13. januar
Avgerðin um umval er tikin, eftir at ákæra verður reist móti einum persóni fyri valsvik á kommunuvalinum 12. november í fjør
Býráðið í Runavíkar kommunu, sum var valt 12. november í fjør. Nú verður umval.
 
21.11.2025 - 13:05

Umval verður í Runavíkar kommunu týsdagin, tann 13. januar.

Tað hevur Bjarni Kárason Petersen, landsstýrismaður í lógarmálum, gjørt av, í sambandi við at ákæra nú verður reist móti einum persóni fyri valsvik á kommunuvalinum 12. november 2024. 

Við ákæruni er so stórur ivi sáddur um, hvørt samansetingin av manningini í Runavíkar býráð er røtt, at Løgmálaráðið hevur tikið avgerð um at ógilda kommunuvalið í Runavíkar kommunu tann 12. november 2024 og lýsa umval, soleiðis at spurnatekn ikki kann setast við rættargildið av Runavíkar býráð.

Umvalið í Runavíkar kommunu verður týsdagin, tann 13. januar 2026.

Bara teir persónar í Runavíkar kommunu, sum høvdu valrætt tann 12. november 2024, kunnu velja á umvalinum. 

Sambært § 25 í kommunuvallógini er mannagongdin tann sama við umval sum á fyrra valinum. Hetta merkir, at umvalið verður hildið við støði í teimum valevnislistum, sum vórðu latnir inn til tað upprunaliga valið.

Sambært § 26, stk. 2 í kommunuvallógini skal núverandi býráð halda fram, til umval hevur verið og møguligar klagur um umvalið eru viðgjørdar og avgerð tikin, sigur Løgmálaráðið.

Er kopiera
Nýggjastu sendingar í ÚV
Mikudag 18. november
Vágskálin: Frá Jóannesi bónda til Frú S
216535
Mikudag 18. november
Skratsj 18. nov. 2026
216628
Mikudag 18. november
Mono 3 - Fróði Løksagarð - 181126
216627
Mikudag 18. november
Skipsboð
216603
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470