Djóni: Forsturtøkumálið var orsøkin

Í gjár var Djóni Nolsøe Joensen fyrrverandi landsstýrismaður. Hann var farin frá sum landsstýrismaður.

Men í gjárkvøldið var greitt, at Djóni Nolsøe Joensen aftur verður landsstýrismaður í umskipaða landsstýrinum.

Orsøkin er, at sum løgtingsmaður hevði Djóni Nolsøe Joensen atkvøtt ímóti uppskotinum at broyta fosturtøkulógina, sum kemur til 2. viðgerð seinnapartin.

Súsanna vildi aftur í tingið

Tá tað stóð tingmanningini hjá Javnaðarflokkinum greitt í gjárkvøldið, boðaði Súsanna Bertholdsen frá, at hon kortini ikki hevði hug til landsstýrissessin, hon hevði sett seg í fyrr um dagin. Hon vildi heldur vera løgtingskvinna, og harvið hava rætt til at atkvøða fyri at broyta fosturtøkulóguna.

Og so vóru aftur boð eftir Djóna Nolsøe Joensen í landsstýrinum.

- Ja, eg kann siga so mikið sum at umskipanin prógvar, at tað hevur verið í umbúna, sigur Djóni Nolsøe Joensen.

Hoyr samrøðu við Djóna Nolsøe Joensen her:

Í útvarpstíðindunum klokkan 12.20 verður samrøða við Aksel V. Johannesen, løgmann.