Sunda kommuna mist tolið við Landsverki

Í Sundalagnum eru tey av álvara farin at missa tolið við Landsverki, tá tað kemur til ferðslutrygdina. Og hetta er ikki fyrstu ferð, at tey hava gjørt vart við trupulleikan. 

- Tveir borgarstjórar undan mær hava staðið her við Streymin eftir ferðsluvanlukkur og eg ætli mær ikki at vera tann triði í røðini. Tí geri eg vart tað nú áðrenn enn eina vanlukku, sigur Eyðstein Zachariassen borgarstjóri. 

Men tað er ikki bert við Steymin, at tey gera vart við trupulleikar. Tey vilja millum annað eisini hava ferðslutálmandi átøk í Haldórsvík, Langasandi, Hvalvík og á Oyri.