Sum ein friðarlig ólavsøka

Politiið gjørdi kanningar í Klaksvík í gjár í Kráargøtu fyri at vita, hvussu fólk koyrdu. Politiið gav fýra klipp í koyrikortið fyri at koyra skeivan veg á einsrættaðum vegi.

Og fýra bilar vórðu tiknir fyri at koyra ov skjótt. Fyri tað gav løgreglan trý klipp og eina frádøming.

Í býnum í Havn sigur løgreglan, at tað hevur verið sum á ólavsøku, men at tað hevur verið friðarligt.

Um 4-tíðina var eitt harðskapsmál. Ein persónur er handtikin fyri at sláa, og hann verður skuldsettur fyrrapartin og leyslatin.

Stutt eftir 06.30 fekk politiið fráboðan um, at ein bilur var farin út av vegnum á Signabø. Bilurin er vrak, og tvey fólk eru farin á Landssjúkrahúsið til kanningar. Politiið visti ikki at siga, hví bilurin var farin útav.