353 fóru undir yrkisútbúgving í fjør

Framvegis er stórur áhugi fyri at taka yrkisútbúgving í Føroyum, og tey 353 fólkini, sum fóru undir útbúgving í fjør, taka 42 ymiskar útbúgvingar.

Verða allir virknir lærlingar taldir við, vóru meira enn 1250 fólk í ferð við at taka 66 ymiskar útbúgvingar í Føroyum í fjør, upplýsir Yrkisdepilin.

Seinastu 20 árini hevur tilgongdin til yrkisútbúgvingar ligið um helvtina av einum miðal árgangi.

Lærlingar í 2025

(Mynd: Yrkisdepilin)

Seinastu átta árini hevur tilgongdin verið millum 55 og 62 prosent um árið.

Lærlingarnir, sum byrjaðu í fjør, vóru millum 15 og 54 ára gamlir. 23 prosent vóru eldri enn 25 ár.

Helvtin av lærlingunum, sum byrjaði í fjør, lærir húsasmíð, maskinsmíð og til elektrikara. 

Les meira her.

Sí hagtøl fyri yrkisútbúgvingar her.