Allar 44 íbúðirnar í Dalabú útleigaðar

Tað gekk bara ein vika at fáa allar íbúðirnar í Dalabú í Havn útleigaðar.

Upprunaliga var ætlanin, at Bústaðir einsamalt skuldi eiga og leiga íbúðirnar út, men tann ætlanin miseyndaðist, tí íbúðirnar gjørdust ov dýrar.

Tað gekk einki frægari, tá Bústaðir seinasta heyst royndi at gera íbúðirnar til lutaíbúðir, tí áhugin at keypa ein lut var lítil og eingin.

Eftir at tann verkætlanin varð vrakað hava Bústaðir saman við Tórshavnar kommunu stovnað bústaðarfelagið Heimbýli. Partarnir hava hvør sett 20 milliónir krónur í felagið, sum hevur keypt íbúðirnar frá Bústøðum, og síðan sett tær til leigu.

Og nú brast fyri nev; tí tað gekk bara ein vika til, at allar íbúðirnar vóru úleigaðar.

Jógvan Ósa, stjóri í Bústøðum, er nevndarformaður í bústaðarfelagnum Heimbýli, og sambært honum verður ljós í øllum íbúðunum 1. mars í ár.

Tað er bústaðarskylda hjá teimum, sum leiga. Tær 44 íbúðirnar eru frá 50 upp í 91 fermetrar til víddar og prísurin er úr 8.214 krónum upp í 13.578 krónur um mánaðin.Trýst á pílin niðanfyri fyri at hoyra alt innslagið.