Sarita og Vár gull til DM

Sarita og Vár gull til DM
Vár G. Hansen vann 200 metur sprint, meðan Sarita Kristina Hansen fór avstað við lættvektsgullinum á 2000 metrum til DM í inniróðri leygardagin
 
25.01.2026 - 16:41

Føroysku rógvararnir vísti enn einaferð, at teir teljast millum teir bestu í ríkinum, tá kappast var um donsku meistaraheitini í inniróðri leygardagin.

Tilsamans vunnu teir 18 gullheiðursmerki, átta silvur og fimm bronsu í Gladsaxe, skrivar Róðrarsamband Føroya.

- Sigast kann ikki annað, enn at vit eiga sera nógvar raskar rógvarar, ið vit kunnu vera stolt av. Ein róðrartjóð, ið veruliga vísir, at hetta er ein stoltleiki, ið vit stríðast fyri, skrivar RSF.

 

Vár og Sarita fremstar

Vár G. Hansen og Sarita Kristina Hansen fingu eina guill í part í opnu bólkunum.

Vár G. Hansen vann sannførandi í 200 metur sprint við tíðini 0.31.00 min. góð trý sekund frammanfyri nummar tvey. Á 2000 metrum endaði hon nummar fimm.

Sarita Kristina Hansen vann gull í opna lættvektsbólkinum á 2000 metrum. Harafturat vann hon gull í 2000m í lættvekt fyri kvinnur yvir 27 ár og í 500m í lættveks fyri kvinnur yvir 27 ár. 

Harumframt fekk Sarita Kristina Hansen sonevnda DIF-medalju fyri serliga gott avrik.

 


Olympiski rógvarin Sverri Sandberg Nielsen leggur teimum ungu føroyingunum lag á til DM í inniróðri leygardagin. (Mynd: Dansk forening for rosport)

 

Føroyskt gullregn

Yvirhøvur kláraðu føroyingarnir seg sera væl. Til dømis vann Pauli Joensen 200 metur sprint fyri U19-menn, og í U17 við kvinnum vann Kristvør Kjærbo Clementsen frammanfyri Vár í Húsinum.

Samanlagt komu 33 føroysk heiðursmerki til høldar hjá bæði gentum og dreingjum í alskyns aldursbólkum.

 

 

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592