Útnorðurráðið stuðlar Grønlandi treytaleyst

Útnorðurráðið hevði evnisráðstevnu í Havn í vikuni, og í samband við ráðstevnuna, sum hevði heitið "Bjarari vón fyri trvinað hjá ungum í útnorðri", samtykti formansskapurin ráðnum fyrsta úttalilsi hjá Útnorðurráðnum í 2026, sum sigur, at Útnorðurráðið stuðlar grønlendska fólkinum og íkastið hjá londunum í útnorði til at styrkja trygdina í Arktis.

Í skrivinum frá formansskapinum í Útnorðurráðnum, sum er undirskrivað av Jón Gnarr, formanni í ráðnum, verður sagt, at ráðið treytaleyst stuðlar Grønlandi og sjálvavgerðarrættin hjá grønlendska fólkinum og at territoriali yvirvaldsrætturin í Grønlandi skal virðast.

Útnorðurráðið leggur dent á týdning av samanhaldi við tí endamáli at íbúgvarnir í londunum í útnorði kunnu liva eitt trygt og demokratiskt lív.

Útnorðurráðið stuðlar eisini tí íkasti, sum londini í útnorði geva til samstarvið í NATO-høpi fyri at styrkja trygdina í Grønlandi, Útnorði og í Arktis.

Útnorðurráðið er mannað við 18 parlamentariskum umboðum úr Grønlandi, Íslandi og Føroyum. Ráðið verður stýrt og lagt til rættis av formansskapinum, og í honum sita í løtuni Jón Gnarr, sum er formaður, Bjørt Samuelsen, sum er 1. varaforkvinna og Kim Kielsen, sum er 2. varaformaður.

Tingfólkini, sum umboða Føroyar í ráðnum eru: Eyðdis Hartmann Niclasen, Henrik Old, Bárður á Lakjuni, Bjørt Samuelsen, Karlot Hergeirsson og Jenis av Rana.