Søkja eftir presti til Tvøroyrar

Søkt verður nú eftir virkandi sóknarpresti til Suðuroyar norðara prestagjald. 

Talan er um tíðaravmarkað starv frá 1. mars til 31. juli í ár.

Í prestagjaldinum eru fimm gudstænastustøð, Tvøroyrar kirkja, Hvalbiar kirkja, Sandvíkar kirkja, Fámjins kirkja og bønhúsið í Øravík.

Annika Magnussen Gaard, sum hevur verið á Tvøroyri, verður nú sóknarprestur í Norðstreymoyar vestara prestagjaldi við sæti í Kvívík, tí Maria Jørðdal Niclasen, sum var har, er vorðin dómpróstur.