Ferðavinnufelagið: Uppskot um stutttíðarleigu ger ikki javnari kapping

Uppskotið ger ikki karmar um javnari kapping. Tað er kappingin millum gistingarhús og stutttíðarleigu. 

Tað sigur Ferðavinnufelagið um uppskotið hjá landsstýrinum um stutttíðarleigu.

Felagið vil hava krav um, at bústaðir, sum ætlanin er at brúka til stutttíðarleigu, skulu skrásetast.

Endamálið við tí er, at tað almenna lættari kann hava yvirlit um stuttíðarleigu, serliga fyri at tryggja, at rættur skattur og røtt avgjøld verða goldin, so stutttíðarleigan ikki er kappingaravlagandi, sigur Ferðavinnufelagið.

Føroya arbeiðsgevarafelag vil eisini hava slíka skráseting.

Bæði Ferðavinnufelagið og Føroya arbeiðsgevarafelag taka annars undir við, at karmarnir um stutttíðarleigu verða skipaðir.

Les hoyringarskrivið frá Ferðavinnufelagnum her.