Jákup Veyhe og hettarher siga frá sagnum og ævintýrum

Hetta er fjórðu ferð, at bólkurin hattarher, sum Torleik Mortensen og Andreas Restorff manna, arbeiða saman við einum frásøgufólki á henda hátt.

Tað er altíð ein áhugaverd tilgongd, og tað hevur tað sanniliga eisini verið hesa ferð, siga allir við einum brosi.

Støði verður tikið í sagnum og ævintýrum, sum Dr. Jakobsen savnaði kring oyggjarnar fyri góðum hundrað árum síðani.

- Forteljingin kann vera rættiliga dramatisk, og tað er ikki altíð so lætt at taka dagar ímillum, hvør er góður og hvør ikki er tað.

Mynd: Bjarni Árting Rubeksen

Við kontrabassi, cello og alskyns effektum stuðla Torleik og Andreas upp undir forteljingina hjá Jákupi.

hettarher hevur higartil gjørt tónleik til fýra filmar, og hetta er í familju við tað, siga limirnir í bólkinum.


Mynd: Bjarni Árting Rubeksen

hettarher og Jákup Veyhe kunnu upplivast í Perluni í Havn leygardagin klokkan 16 og sunnudagin klokkan 15.

Aldursmark er onki, men framført verður í einum myrkum rúmi, og summar sagnir kunnu vera nakað óhugnaligar, verður sagt í tíðindaskrivi.

Meira kann lesast um sagnir á hesum áhugaverda leinki hjá Snar.


Hvat: Beinleiðis úr Studio 5
Hvar: Í útvarpinum og á KVF Ljóð
Nær: Fríggjamorgun kl. 9.05 og tá tað passar tær á KVF Ljóð
Hesa ferð: hettarher