Oddvá í 2025: Heimsmet og gull í nýggjum bólki

Tað er langt ímillum føroysku heimsmetini, men í ár hevur Oddvá Sedea Nattestad sett fleiri. 

Hon fór at venja við Havnar Svimjifelag, tá hon var fimm ára gomul, og seinastu árini hevur hon verið á fyrsta liðnum.

Tá hon var fimtan var hon útgreina fyri ADD og autismu, og á heysti í 2024 varð hon klassifisera og góðkend at svimja í bólkinum II3 fyri svimjarar við autismu.

Stutt eftir kappaðist hon í hesum bólkinum til altjóða kapping í Reykjavík og gjørdi ikki mætari enn at seta heimsmet í 100 metur bringu á langgeil og varð harumframt kosin besti kvinnuligi parasvimjarin.

 - Eg havi ongantíð hugsað, at eg skuldi fáa eitt heimsmet ella eitt føroyskt met ella nakað sovorði. Eg havi bara svomið, tí tað er stuttligt, sigur Oddvá Sedea Nattestad.

Síðan hevur hon kappast í fleiri altjóða kappingum, millum annað í Bangkok, og hevur sett bæði heims- og evropeisk met.

Hetta innslagið var við í Ítróttafagnaðinum 2025. Sí sendingina her: