Fyribilsloysn í 40 ár

Fyribilsloysn í 40 ár
Hóast bæði ætlanir og játtanir, er eingin ítøkilig ætlan at gera byrgingina um Haraldssund lidna
02.03.2026 - 19:38

40 ára gamla byrgingin um Haraldssund er ein fyribilsloysn, sum skuldi gerast liðug, men tað er ongantíð hent, og tað ørkymlar Ólavur F. Nybo, borgarstjóra í Kunoyar kommunu.

- Byrgingin um Haraldssund varð sett í samferðsluætlanina hjá Landsverki fyri tíðarskeiðið 2018 til 2030, og har stóð tað, at arbeiðið skal gerast í 2027, men tann ætlanin gjørdist av ongum, sigur hann.

Byrgingin hevur fleiri ferðir verið á politisku dagsskránni, men enn er einki hent. Borgarstjórin heldur, at tá aðrar verkætlanir fáa játtað pening í tíð og ótið, so átti peningur verið settur av at gjørt byrgingina lidna.

Í 2008 var ein verkætlan gjørd. Tá var mett, at byrgingin kundi gerast liðug fyri 25 milliónir. Arbeiðið skuldi gerast samstundis sum tunlarnir Norður um fjall, og 22 milliónir vórðu settar av á fíggjarlógini fyri 2009. Men ætlanin bleiv spard burtur aftur.

- Her má handlast upp á onkran máta. Mann má koma við eini ætlan, hvat mann sær fyri sær skal gerast. Hetta er vónleyst, sigur Ólavur F. Nybo, borgarstjóri í Kunoyar kommunu.

 

 
Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214