Kjak um opinleika í løgtingsarbeiðnum

Kjakið í sjónvarpinum í kvøld eftir Dag og Viku snýr seg um opinleika, ella rættari, vantandi opinleika í løgtingsarbeiðnum.

Ein máti fáa størri opinleika í løgtingsarbeiðnum er at hava opin samráð. Fólkatingið hevur opin samráð - og tey hava  kostað trimum ráðharrum sessin seinasta árið.

Orsøkin var, at teir allir hava logið fyri Fólkatinginum. Spurningurin er, um vit eisini eiga at hava henda møguleika í Løgtinginum.

 Jógvan á Lakjuni, løgtingsformaður, og Jóanes N. Dalsgaard, stjórnmálafrøðingur, vera í sjónvarpsstovuni. Liljan Weihe er vertur.