52 fólk vilja hava krossin í dag

Fólkatingsval er í dag, og í Føroyum stilla fimm flokkar upp til fólkatingsvalið.

Framsókn og Sjálvstýri stilla ikki upp.

52 valevni eru á teimum fimm listunum, 17 kvinnur og 35 menn.

Tey 57 valhølini lata upp klokkan níggju og eru opin til klokkan átta í kvøld og so leingi hareftir, veljarar framvegis møta fyri at greiða atkvøðu, sum tað stendur í kunngerðini um valið.

38.945 hava valrætt í dag, 552 fleiri enn í 2022.

Á fólkatingsvalinum í 2022 vóru 71,31 prosent á vali.