Afturvendandi sveiggj millum Fólkaflokkin og Javnaðarflokkin

Tá ein flokkur gongur fram, gongur hin aftur. Og umvent.

Javnaðarflokkurin og Fólkaflokkurin eru ofta at meta sum diametralir mótsetningar. Ein er til høgru, og hin er til vinstru. Ein er sjálvstýrisflokkur, og hin er samríkisflokkur.

Tí hevði kanska ikki verið væntandi, at veljarar fara millum teir báðar flokkarnar. Men tað tykist vera júst tað, sum er hent.

Sveiggj fleiri val á rað

Á løgtingsvalinum í 2011 fell Fólkaflokkurin fleiri atkvøður enn Javnaðarflokkurin. Og í 2015 fekk Javnaðarflokkurin fleiri enn Fólkaflokkurin. Í 2019 var umvent. Og aftur umvent í 2022.

Og á løgtingsvalinum, sum fór fram í gjár, gjørdist Fólkaflokkurin størri enn Javnaðarflokkurin.

Seinastu nógvu valini hava sveiggini verið so týðulig, at tað sær út til at hava fingið avgerandi týdning fyri úrslitið eftir eitt val. Tað ávirkar soleiðis eisini møguleikarnar at skipa stjórn, og hvønn politikk ið verður førdur.