Búskaparfrøðingur: Landið má halda aftur, tá vinnan ger stórar íløgur

Nógv ferð er á búskapinum, og í almenna geiranum eru tað serliga kommunurnar, sum gera stórar íløgur.

Kommunurnar gjørdu íløgur fyri 1,26 milliardir krónur í 2024, meðan landið gjørdi íløgur fyri góðar 776 milliónir hetta árið.

Tað sæst í eini seruppgerð yvir íløgur hjá landi, kommunum og vinnuni frá Hagstovu Føroya.

Kári Petersen

Kári Petersen, búskaparfrøðingur, heldur, at landið eigur at halda aftur, tá vinnan ger so stórar íløgur, tí tað trýstir prísirnar upp á øllum, sum verður bygt í løtuni. 

Tað hevur hann gjørt vart við, millum annað í sendingini "Undir egið borð."

Lítið og einki arbeiðsloysi

Arbeiðsloysið hevur leingi berið minni enn eitt prosent, og orsøkin m.a., at tað almenna og vinnan gera íløgur fyri tilsamans fýra milliardir krónur, sigur Kári Petersen.

Tilsamans hava kommunurnar og landið íløgur fyri 1,8 milliardir krónur. Tað er ein milliard meira enn í 2012 til dømis.

Eisini vinnan hevur gjørt stórar íløgur seinastu árini.

Í 2013 gjørdi vinnan íløgur fyri 378 milliónir. Tað talið var 1,8 milliardir í 2024.

í 2024 gjørdu land og kommunur íløgur fyri tilsamans 4,8 milliardir krónur.