Myndir: Av ringasta veðri um alt landið

Tað var av ringasta veðri kring landið fyrrapartin, men um middagsleitið hasaði vindurin av.

Tá vindurin var mestur, vóru úti við 60 metrar um sekundið á Norðradalsskarði, og í fleiri øðrum plássum vóru mllum 40 og 50 metrar um sekundið.

Løgreglan fekk fráboðan um 18 vindskaðar - av Økrum til Viðareiðis og vestur til Sørvágs.

Í Havnardali reiv tekjan av fjósinum, har íslendsk ross halda til, og í Kollafjarðardali varð ein trailari hjá Faroe Ship tikin av vindi, og fór út av vegnum.

Sí myndir. Meiri verður at frætta um ódnarveðrið í Degi og Viku í kvøld.