Kanna fruktbærið hjá føroyskum kvinnum

Heilsugranskingareindin í Sjúkrahúsverkinum hevur sett sær fyri at kanna fruktbærið hjá føroyskum kvinnum.

- Vit vilja finna útav, hví burðartalið er fallandi, sigur Pál Weihe, sum er partur av granskingarbólkinum

Pál Weihe

Frítekst tagging: 

Pál Weihe

Bárður Lydersen

Hoyr innslag í útvarpstíðindunum

Í granskingarbólkinum eru eisini Maria Skaalum Petersen, professari, Elsa Helmsdal, PhD lesandi, Silvia Weihe Meienburg og Katrin Kallsberg, serlæknar í kvinnusjúkum, og Henný Haraldsen og Eilin Súsanna Hansen, læknar, sum standa fyri dátuviðgerðini.

Føðitíttleikin minni enn tvey børn

Føðitíttleikin í Føroyum var eitt vet hægri í fjør enn hann var í 2023. Hann var 1,91 barn fyri hvørja kvinnu.

Stóra minkingin, sum hevur verið í føðitíttleikanum seinastu árini, helt tí ikki fram í 2024. Føðitíttleikin var 1,86 í 2023, skrivar Hagstovan.

Hetta er annað árið á rað, at føðitíttleikin er undir tvey børn fyri hvørja kvinnu í burðarførum aldri.

Í 2016 var føðitíttleikin 2,64 børn. 

Hann var 2,07 børn í 2022.

Føðitíttleikin er lutfallið millum barnatal og kvinnur í burðarførum aldri. 

Kvinnur í burðarførum aldri eru vorðnar yvir 1.000 fleiri síðani 2013.

Sambært íbúgvafrøðini er miðal føðitíttleiki á 2,1 barn eitt týðandi markvirði, sum ikki má farast niðurum, um eitt varandi ættarlið av kvinnum í burðarførum aldri skal kunna seta eitt nýtt og líka stórt ættarlið av kvinnum eftir sær, skrivar Hagstovan.