- Tíðindi, mentan og ítróttur
Stórtingið skal viðgera frágreiðingina um 22. juli
<div>Stórtingið í Noreg verður kallað saman sum skjótast at viðgera frágreiðingina, sum nevndin, ið kannaði álopið í Oslo og á Utøya 22. juli í fjør, legði fram í gjár.</div><div><br></div><div>Tað upplýsir stórtingsformaðurin, Dag Terje Andersen, fyri norska kringvarpinum.</div><div><br></div><div>Tá frágreiðingin varð løgd fram í gjár, boðaði Jens Stoltenberg, forsætisráðharri, frá, at hann fór at biðja formannin um loyvi at hava orðaskifti um frágreiðingina.</div><div><br></div><div>Stjórnin hjá Jens Stoltenberg fær av at vita í frágreiðingini, og norska blaðið, Verdens Gang, biður í oddagreinini í dag Jens Stoltenberg um at leggja frá sær.</div><div><br></div><div><b>Fundur í næstu viku</b></div><div><br></div><div>Eftir ætlan skal Stórtingið ikki koma saman fyrr enn 1. oktober, men andstøðan í stórtinginum vil hava tingið saman sum skjótast, so Jens Stoltenberg kann greiða frá, hvat stjórnin ætlar at gera við frágreiðingina.</div><div><br></div><div>Dag Terje Andersen, stórtingsformaður, sigur, at tað neyvan ber til at kalla stórtingið saman hesa vikuna, men hann er í ferð við at kanna møguleikarnar fyri at halda fund í næstu viku, sigur hann við Bergens Tidende.</div><div><br></div><div>NRK skrivar, at breið semja er í Stórtinginum um, at tingið sum skjótast eigur at fáa at vita, hvat forsætisráðharrin ætlar at gera við frágreiðingina frá serligu nevndini.</div><div><br></div>
