Formaðurin í Amnesty Føroyar: Ikki loyvt at gera mun á fólki vegna trúgv

Landsstýrismaðurin í vinnumálum, Jacob Vestergaard, segði í gjár, at landsstýrið ikki vil hava muslimar inn í landið sum arbeiðsmegi.

Men spurningurin er, um landsstýrið yvirhøvur kann forða fyri tí? 

Tað hava vit spurt formannin í Amnesty Føroyar, Regin Berg, um.

- Tað er ikki loyvt at gera mun á fólki vegna trúgv, og tí hevði tað verið brot á altjóða mannarættindasáttmálan hjá ST at nokta muslimum at arbeiða í Føroyum.