Fyrsta lógaruppskotið kemur í dag

Í dag kemur landsstýrið væntandi í løgtingið við uppskoti sínum um at strika meirvirðisgjaldið á bensini og dieseli.

Uppskotið skal fara úr gildi aftur 31. juli.

Tað fer at kosta landskassanum okkurt um 20 mió. kr., sigur Aksel V. Johannesen, landsstýrismaður í fíggjarmálum.

Tingfundurin í dag er klokkan eitt.

Bara framløga er á skránni.

Fyrsta viðgerð um bensin, diesel og meirviðisgjald verður, um uppskotið kemur í dag, týsdagin.

Fimm tingfundir eru fráboðaðir í mai.