Vápnahvíldin hongur í klønum tráð

Vápnahvíldin millum Iran og USA hongur í klønum tráð, eftir at amerikanski forsetin hevur víst iranska friðaruppskotinum aftur.

- Ótrúliga ússaligt. Eftir at hava lisið iranska uppskotið - eg havi ikki lisið alt, - fari ikki at nýta tíð uppá at lesa tað, men eg vil siga, at vápnahvíldin hevur tørv á andingartóli og læknahjálp, segði Trump, forseti, við tíðindafólk á tíðindafundi í Hvítu húsunum í gjárkvøldið.

Lítið røkist fyri semju millum londini bæði, tí samstundis sum USA havnar iranska uppskotinum, sigur Iran, at uppskotið um friðaravtalu er "gávumilt" og "rættvíst", sambært talsmanninum hjá iranska uttanríkisráðnum, Esmaeil Baghaei.