Eykajáttan til leigustuðul og sjúkrahús

Hallið í eykajáttanarlógini, sum landsstýrismaðurin í fíggjarmálum kom í tingið við í gjár, er seks og eina hálva millión krónur.

Biðið er millum annað um seks mió. kr. til leigustuðulin og 100.000 kr. til Javnstøðunevndina.

Biðið verður eisini um, at játtanin til Útlendingastovuna hækkar 330.000 krónur.

Sjúkrahúsini skulu hava fleiri pengar, Landssjúkrahúsið slakar 4,9 milliónir, Klaksvíkar sjúkrahús 420.000 kr. og Suðuroyar sjúkrahús 390.000 kr.

Eisini er biðið um nakrar lækkingar í játtanum í fíggjarlógini, til dømis til lestrarstuðul og føroyskt sum annaðmál hjá vaksnum.

Og so eru nakrar útreiðsluneutralar játtanir.