Hótta aftur við verkfalli

Sjómannafelagið í Íslandi hevur aftur sent Eimskipum og Faroe Ship verkfalshóttan.

Fæst ikki semja um nýggjan sáttmála fyri døgurða mánadagin 25. mai, verður verkfall fyri skipini Brúarfoss, Dettifoss og Selfoss.

Tey sigla øll til Føroya.

Einki verður sagt í fráboðanini um verkfall, hvussu leingi, verkfallið verður.

Sjómannafelagið boðaði eisini frá verkfalli at vera frá 12. til 15. apríl.

Men tað var avlýst.