Tekur trý til fýra ár at gera undirsjóvartunnil í Kalsoynna

Ein undirsjóvartunnil millum Klaksvík og Syðradal verður góðar fýra kilometrar langur, og hann tekur trý til fýra ár at gera.

Tað metir Kristian Stórhamar, sum hevur drúgvar royndir við tunnilsarbeiði, og var eitt nú virkin í tunnilsbólkinum, sum arbeiddi við alternativari linjuføring til Suðuroyartunnilin. 

 Hann vísir á, at enn er bara talan um eitt hugskot, og neyðugt er at gera nærri kanningar, fyrst og fremst av jarðfrøðini. 

Men hugskotið er áhugavert - tí at síggja til er tunnilsloysnin ikki nógv dýrari enn ferjusamband, sigur Kristian Stórhamar.

Sam, Strandferðslan, Strandfaraskip Landsins, Oyggjaleiðir, innanoyggjasigling, Kalsoyarleið, Kalsoyarleiðin, Kalsoyarsigling, Kalsoy

Hann metir, at tunnilin fer at kosta einar 600 milliónir krónur. 

Í metingini hjá Kristiani Stórhamar er tó ikki sonevnda "váðaískoytið", sum Landsverk vanliga brúkar í sínum kostnaðarmetingum. Váðaískoytið er í summum førum upp til 40 prosent.

Leggja vit 40 prosent oman á 600 milliónir, so er prísurin 840 milliónir.

Mest áhugaverda linjuføringin er, sambært Kristiani Stórhamar, ikki meira enn góðar fýra kilometrar.

Hoyr innslag í útvarpstíðindunum: