Loyvistíðin verður 10 ár

Loyvistíðin í sjófeingislógini verður 10 ár.

Tað er greitt, eftir at løgtingið hevur endaliga samtykt uppskotið hjá Bárði á Steig Nielsen, landsstýrismanni í uttanríkis- og fiskivinnumálum, um broytingar í sjófeingislógini.

Við triðju viðgerð vóru 21 atkvøður fyri og seks ímóti. 

Eitt uppskot um at beina málið aftur í vinnunevndina fall.

Løgtingið atkvøddi eisini við triðju viðgerð um tvey broytingaruppskot.

Tjóðveldi og Framsókn skutu upp at taka regluna um loyvistíð úr uppskotinum, men tað fall. Seks atkvøður vóru fyri og 22 ímóti

Hinvegin samtykti tingið eitt broytingaruppskot frá øllum trimum andstøðuflokkunum, um at strikingin av ásetingini í grein 22, stk. 2, sum m.a. snýr seg um fiskiskap á Føroyabanka, verður slept, og at landsstýrið viðger, um ella hvussu ein slík broyting møguliga skal gerast.

Øll 29 tingfólkini, sum vóru í tingsalinum, atkvøddu fyri hesum broytingaruppskotinum. 

Bárður á Steig Nielsen, landsstýrismaður, viðgekk, at eitt mistak er hent, tí fylgiskjøl til hoyringarskriv ikki fylgdu við:

Ben Arabo, mynd: Bjarni

Frítekst tagging: 

Ben Arabo

mynd: Bjarni

Hvast orðaskifti var annars í løgtinginum við triðju viðgerð av sjófeingislógini.

Ben Arabo, formaður í vinnunevndini og tinglimur fyri Javnaðarflokkin, heitir á andstøðuna um at finna loysnir heldur enn forðingar.

Hann segði soleiðis í útvarpinum á døgurða:

Høgni Hoydal

Høgni Hoydal, tinglimur fyri Tjóðveldi, er ósamdur við Ben Arabo og vísir á fólksins ogn: