Trupul, men góð tíð í Italia

- Fyrsta tíðin í Italia hevur verið trupul, men góð.

Tað sigur Andrias Edmundsson, sum er valdur besti spælari hetta kappingarárið í felagi sínum Hellas Verona, sum flutti niður og skal spæla í næstbestu deildini næsta kappingarár.

Føroyski landsliðsspælarin, Andrias Edmundsson, hevur veruliga gjørt vart við seg síðani hann skifti til italskan fótbólt í februar. Hann er valdur til dagsins spælara fimm ella seks ferðir fyri Hellas Verona, og hevur eisini verið á vikuliðnum yvir spælarar, sum hava fingið hægst karakter í bestu deildunum í Evropa.

Nú kappingarárið er av, hava fjeppararnir hjá Verona valt Andrias til besta spælara í ár.

Hellas Verona keypti Adrias Edmundsson úr pólskum fótbólti fyri 2,5 mió. evrur í februar, tað svarar til knappliga 18,7 mió. kr. í okkara pengum.

Hoyr innslag í útvarpstíðindunum: