Beinir klárur við nýggjari útgávu

Fríggjadagin 5. juni kemur nýggja útgávan hjá Beinir, sum kallast ‘The end or beginning of us’. 

Á útgávuni eru persónligir og erligir sangir um kærleika, iva og tær løturnar, har eitt samband annaðhvørt broytist, slitnar ella krevur, at tú veruliga stendur við títt og torir at gera nakað við tað.

Hetta greiddi Beinir frá longu 15. mai, tá hann var gestur í sendingini LEITISSTEIN og nýggja EP'in bleiv frumspæld. 

HOYR EISINI: LEITISSTEIN 15.05.2026 (Beinir)

Meira persónligt á føroyskum

Høvuðssangurin á útgávuni er "Won’t Let Go", sum Beinir sjálvur lýsir sum kensluliga miðdepilin á útgávuni. Tað er í tí sanginum, at Beinir syngur orðini "If this is the end or beginning of us".

"Fyri meg snýr sangurin seg um ikki at geva upp, men arbeiða seg gjøgnum tað torføra, hóast tað ikki altíð er tað lættasta," sigur Beinir. 

LES EISINI: Nýggj útgáva skal skilgreina Beinir av nýggjum tónleikaliga

Beinir, Beinir Troest Rasmussen

Síðsta lagið, "If This Is End" er bæði á enskum og á føroyskum, tá tað eitur "Um hetta var tað". 

"Tá eg syngi á føroyskum, kennist tað meira persónligt, og eg vóni eisini, at tað gevur lurtarum eina greiðari fatan av, hvar eg og mín tónleikur kemur frá” sigur Beinir.

Í november kann Beinir upplivast í Reinsarínum í Havn, tá hann fer at hava eina konsertrøð 6., 7. og 8. november. 

Fakta um útgávuna

‘The end or beginning of us’ er givin út í samstarvi millum feløgini Tigerspring, Music is fun í Onglandi og Virgin Music Group í USA.

Beinir hevur skrivað tónleikin í samstarvi við Sharon Vaughn, Jónas Gaard, Morten Winther Nielsen og Lasse Boman.

Beinir hevur framleitt tað mesta sjálvur, tó er ‘Won’t let go’ framleiddur saman við Rasmus Søegren. Jónas Gaard, Bárður Petersen og Filip Zachariassen spæla allir við á útgávuni.

Magnus Trónheim hevur tikið kápumyndina.

David Mørup hevur miksað og mastrað.

Leitisstein, Beinir Troest Rasmussen

Hvat: LEITISSTEIN
Hvør: Beinir um "The End or Beginning of Us"
Hvar: KVF Ljóð