Skriva undir nýggjan sáttmála við Akademikarafelagið í dag

Seinnapartin fer Akademikarafelag Føroya at skriva undir sáttmála við Lønardeildina hjá Fíggjarmálaráðnum.

Tað váttar stjórin á Lønardeildini, Jan Sjóstein, fyri Kringvarpinum.

Jan Sjóstein sigur, at gongd er í samráðingum við onnur feløg, og at tey eru farin undir samráðingar við fleiri feløg.

- Vit fara at gera eitt árs sáttmála við fleiri av teimum 12 feløgunum, sum vit hava gjørt fimm ára sáttmála um karm við. Og vit fara undir samráðingar við fleiri av teimum fakfeløgunum, sum ikki eru partur av semjuni um karm, sigur Jan Sjóstein.