Kunnu kenna seg trygg á arbeiðsplássinum

Starvsfólkini á Psykiatriska deplinum á Landssjúkrahúsinum kunnu kenna seg trygg, tá tey eru til arbeiðis.

Tað vissar Tormóður Stórá, leiðandi yvirlækni á deplinum, um.

Í næstum flytur Psykiatriski depilin í H-bygningin á Landssjúkrahúsinum, og har verður eisini ein ávaringarskipan sett upp.

Hoyr samrøðu við Tórmóð Stórá í útvarpstíðindunum: 

Universitetssjúkrahúsið í Aalborg

Eitt KT-brek hevði við sær, at ávaringarlúðrarnir ikki riggaðu, tá ein sjúklingur seinnapartin í gjár leyp á starvsfólk á psykiatrisku deild á Universitetssjúkrahúsinum í Ålborg.

Fleiri starvsfólk fingu skaða, bæði kropsligar og sálarligar, skrivar danska TV2.

Fýra fólk eru sjúkraskrivað eftir álopið, tvey orsakað av kropsligum skaðum, og tvey, tí tey eru ov illa fyri sálarliga til at koma til arbeiðis.

Ein sjúklingur gjørdist í gjár harðligur og leyp á starvsfólkini, skrivar TV2.

Ávaringartólini, sum starvsfólk hava til at nýta í sambandi við møgulig slík álop, riggaðu ikki, sum tey skuldu.