Nógv nýggj rúsevni koma eisini til Føroya

- Vit eru eisini rakt av rákinum, og nýggj rúsevni finna tíverri eisini vegin til Føroya.

Tað sigur Kári Jacobsen, kanningarleiðari hjá løgregluni, nú almenni, evropiski stovnurin fyri rúsevni, EUDA, ávarar um ein vandamiklan vøkstur í nøgdini av reinum og vandamiklum rúsevnum, sum eru at fáa í gøtunum í fleiri evropiskum londum:

Í løtuni heldur EUDA eyga við fleiri enn túsund rúsevnum. Sambært ársfrágreiðingini eru í minsta lagi 7.600 deyðstilburður skrásettir í 29 ymiskum londum, tí fólk hava tikið ov nógv rúsevni.

Og næstan hvørja viku finna myndugleikarnir nýggj rúsevni, sum eru tilgjørd, eitt nú cannabinoidir, sigur Lorraine Nolan, stjóri í EUDA, í tíðindaskrivi.

- Vit eiga at gera alt, vit eru ment, at forða fyri, at nýggj og vandamikil evni koma á marknaðin, sigur Magnus Brunner, sum er ES-marknaðarkommisserur, sambært heimasíðuni hjá rúsevnastovninum, EUDA.