Mette-Marit krúnprinsessa fingið nýggj lungu

Norska krúnprinsessan, Mette-Marit, hevur fingið nýggj lungu í einari væleydnaðari lungnatransplantatión á Ríkissjúkrahúsinum í Oslo.

Tað upplýsir norska kongshúsið í dag. 

52 ára gamla Mette-Marit varð fyri minni enn tveimum vikum síðan sett á bíðilista til lungnatransplantatión, eftir at lungasjúkani var nógv versnað.

Sambært læknunum hevur skurðviðgerðin eydnast væl, men krúnprinsessan skal liggja á sjúkrahúsinum í fleiri vikur aftrat til viðgerð, endurvenjing og eygleiðing.

Mette-Marit fekk staðfest lungnasjúkuna lungnafibrosu í 2018.