Politiið tikið eftirlýstan svia

Politiið tók klokkan stívliga ellivu fyrrapartin í gjár ein svia, sum er eftirlýstur í Svøríki fyri tað, sum í revsilógum eitur "persónsfarligt brotsverk."

Tað skal vera hent í mai í ár.

Svenska politiið bað politiið í Føroyum taka mannin.

Í slíkum førum er revsiramman minst sjey ár.

Maðurin var tikin uttan dramatikk, sigur vaktleiðarin hjá politinum.

Hann er nú í Varðhaldinum í Mjørkadali, og kemur fyri rættin í dag.

Maðurin, sum kom til Føroya fyri minni enn einari viku síðani, er síðst í tríatiárunum.