Landsrætturin staðfesti dómin um 18 mánaða treytaleysa fongsulsrevsing

Eystari landsrættur staðfesti í gjár dómin, sum fyrrverandi stjórin í Magn, Finn Jakobsen, fekk í Føroya rætti í fjør. 

Í oktobur var Finn Jakobsen dømdur treytaleysa fongsulsrevsing í 18 mánaðir, fyri í eina tíð at hava flutt pengar úr partafelagnum Flatnahaga, sum Magn og LÍV eiga, til eitt felag í Dubai.

Christian Andreasen

Hann skal hava gjørt seks flytingar, sum vóru úr 160.000 kr. upp i 1,8 milliónir krónur, tilsamans 3,4 milliónir krónur.

Hóast Landsrætturin gav honum viðhald í ikki at hava framt mandatsvik, er revsingin óbroytt.

Hoyr innslag í útvarpstíðindunum:

Eitt annað fólk varð eisini dømt í Føroyar ætti saman við fyrrverandi stjóranum í Magn. Landsrætturin staðfesti eisini henda dómin.