Pedagogfelagið: Fakkunnleikin á dagstovnunum má tryggjast

Fakkunnleikin á dagstovnunum má tryggjast, so børn í Føroyum fáa tað, sum tey skulu. 

Tað sigur Sanna á Løgmansbø, forkvinna í Pedagogfelagnum, nú tað enn einaferð verður víst á, at málførleikin hjá børnum versnar.

Eingin yvirskipaður leistur er fyri arbeiði við málmenning á dagstovnaøkinum, og einki yvirskipað eftirlit er við fakliga innihaldinum á dagstovnunum. 

Sanna á Løgmansbø

Haraftrat er stórur tørvur á pedagogum í flestu dagstovnum í landinum, og nærum eingin røkkur lógarásetta markinum, ið sigur, at tveir triðingar av starvsfólkunum skulu vera pedagogar.

Sanna á Løgmansbø heldur, at skúlaøkið og dagstovnaøkið eiga at verða knýtt tættari saman, og hon mælir landsstýrismanninum í mentamálum til at raðfesta fakkunnleika og førleikament starvsfólk til børn, sum ganga á dagstovni.

Bárður á Lakjuni

Hoyr innslag í útvarpstíðindunum og samrøðu við Bárð á Lakjuni, landsstýrismann í mentamálum, sum var gestur í útvarpsstovuni: