Landsrætturin viðger rúsevnismál

Trý fólk, sum fingu nøkur ár í Føroya rætti fyri at bróta lógina um rúsevni, eru í Landsrættinum í dag.

Talan er um 500 gramm av kokaini og fýra kilo av hassji.

Tvey fólk, kvinna og maður, vóru dømd í oktober í fjør. Kvinnan fekk trý ár og maðurin fýra ár.

Kvinnan kom til Føroya við Norrønu 27. juli í fjør. Rúsevnini vóru í bili hennara. Maðurin kom við flogfari 31. juli.

Í desember í fjør var ein ungur maður dømdur í Føroya rætti fyri at skulu taka ímóti rúsevnunum í Føroyum.

Hann fekk fýra ár.