Súkkla "prologin" í dag

Í dag súkklar Team Rynkeby sonevnda "prologin", áðrenn liðini súkkla langa teinin til París.

Í prologinum verður súkklað úr Klaksvík til Havnar.

Byrjað varð á Helnabrekku í Klaksvík klokkan hálvgum ellivu fyrrapartin, og steðgað verður í Norðragøtu, á Glyvrum, í Saltangará, á Toftum, Strondum og í Streymnesi, áðrenn túrurin endar í Tórsgøtu í Havn klokkan trý korter til sjey í kvøld.

13. árið

Hetta er 13. árið, at Team Rynkeby Føroyar hevur lið, sum súkklar til París. 

Endamálið við átakinum er at savna pengar til álvarsliga sjúk børn og familjur teirra. 

Tvey lið eru við hesa ferð. Tey fara av landinum fríggjadagin í næstu viku, og súkkla inn í París leygardagin 11. juli.