Laila av Reyni velur sangir úr sínum lívi

Tónleikurin hevur altíð havt stóran týdning fyri Lailu av Reyni, sum hevur latið úr hondum tvær fløgur eins og fleiri stakløg. Harumframt hevur hon eisini sungið á útgávum saman við eitt nú Gunnari G. Guttesen, M. C. Restorff og Jens Marna Hansen.

Í sendingini Sangir úr mínum lívi, ið verður send í útvarpinum hósdagin kl. 17:05, fer Laila av Reyni at velja nakrar sangir, ið hava havt ein serligan týdning fyri hana. Harumframt nemur Laila millum annað eisini við yrkisleiðina sum sniðgevi, har ið hon eitt nú hevur sniðgivið kjólar, sum Miss World Danmark 2012 – Iris Thomsen, hevur gingið á catwalk í.

Sangirnir, ið Laila av Reyni hevur valt, eru Syngja sama lag við Jofukasar, Taking it back við Glamour & The Baybes, Várið gevur megi við Hildibjartur Hansen og Sámal Hildibjartsson Hansen, I morgen er der også en dag við Andreas Odbjerg, A night like this við Caro Emerald, og Tonight you belong to me við Patience and Prudence.

Sangir úr mínum lívi, í útvarpinum hósdagin klokkan 17:05.